▪︎ مجلس نيوز
المناطق_الرياض
نعى الدكتور ذعار بن نايف بن محيا مدير عام مركز أبحاث مكافحة الجريمة بوزارة الداخلية سابقاً والده الشيخ نايف بن عقاب بن محيا بمرثية رائعة قال فيها:
فقدناك لا والله فقدنا بعد شرواك فقيد السخا والدين والعز والطيبة
كأن المكارم والقيم والشيم تنعاك وكأني بحزن الناس مع ربعك عتيبة
يا كثر المراكي بس ياقلهم يمناك مصيبة فراقك ماهي بأية مصيبة
ياحظ القبور اللي بجنبك على حسناك تباشر على وجود راسك وتدعيبه
تراتيل تسبيحك تهلل على لقياك على روحك الرحمة كثر روحك الهيبة
أنا اللي تربي في ظلالك يبي ممشاك يا عزي لقلبي عقب فرقاك والغيبة
تعبنا نبي مثلك وباصعبه الأدراك رقينا معك والضلع تتعب مراقيبه
رفيق السماحه ما تفكر بها دنياك صعيب المراس وسهلتك عندي صعيبه
أنا مؤمن بالله وأنا فقدت دعاك وأنا الصابر الي يقتديك وتماريبه
يعزون بك ناسك وأنا أقول يا عزاك على أخر وقار وقيمه ورحمه وشيبه
عسى الله يجبرني بعد موتك وفرقاك ويارب ترحيبك بمكثر تراحيبه