▪︎ مجلس نيوز
اخترع ثلاثة شبان مصريين، سيارة محلية الصنع تسير فوق الماء، ما يمثل عنصر جذب إضافي لزوار الشواطئ الرملية والمياه الصافية على سواحل مصر الشمالية.
وأنتج الأصدقاء الثلاثة السيارة التي تسير فوق الماء بالكامل باستخدام عناصر ومواد محلية، وعلى أيدي مواهب محلية باستثناء المحرك الذي يأتي من اليابان، حيث أنتجوا حتى الآن 12 سيارة، وتلقوا العديد من الطلبات بعد كشف النقاب عنها.
وقال كريم أمين أحد مخترعي السيارة ومصمميها: لما كنت عايش برا مصر كنت بفكر أعمل الموضوع دا برا مصر.. أعمله من بره مصر وأجيبه بعدين مصر.. وبعدين اتكلمت أنا وصديقي سيد المنشاوي وفكرنا ودبرنا إن إحنا نصنع العربية دي بأجود الخامات هنا في مصر وبالفعل لقينا خامات كويسه جدا في مصر وصنعنا زي ما أنتم شايفين المنتج الحمد الله كله مصري. كل حاجة فيه مصري. الأيدي العاملة مصرية وكل الفينش (الكماليات) فيه مصري الموتور بس ياباني.
وأضاف: تقريبا بعد ما عملت أول فيديو للعربية (سيارة تسير فوق الماء) اتطلب مني أوردر كويس إن أنا نزلت في مرسى مطروح دا أول حاجة نزلتها وبعدين جيت هنا الساحل الشمالي علشان يكون الموضوع أوسع شوية وبعدين هانكون إن شاء الله في البحر الأحمر وبرا مصر بإذن الله.
وتابع: أنا عندي أشكال تانية غير الشكل دا.. شكل مختلف تماما. دا هايكون من التطورات، وكمان إن شاء الله فيه اللي إحنا بدأنا فيه وشغالين عليه إن إحنا نعمل العربية دي تمشي علي البر كمان بحيث تكون الفكرة كاملة إن شاء الله.
ويستغرق إنتاج السيارة الواحدة ثلاثة أسابيع ويتراوح سعرها بين 300 ألف جنيه مصري (19181 دولارًا) و700 ألف (44757 دولارًا).
ويعتزم كريم وأصدقاؤه تطوير السيارة بتقديم نماذج جديدة برمائية قادرة على السير في البر والبحر. ويضعون أيضًا نصب أعينهم التصدير إلى الأسواق الخارجية، بحسب وكالة أنباء «رويترز».